ਤੇਰੀਆਂ ਯਾਦਾਂ

ਤੇਰੀਆਂ ਯਾਦਾਂ ਸਾਡੇ ਪਿਆਰ ਦਾ ਦਮ ਭਰਦੀਆ -
ਤੇਰੇ ਵਾਂਗੂ ਆ ਕੇ ਕਾਹਲੀ ਜਾਣ ਦੀ ਨਹੀਂ ਕਰਦੀਆ...........

ਹਿਜਰ ਤੇਰਾ ਘਰ ਬਣਾ ਕੇ ਬਹਿ ਗਿਆ ਮੇਰੇ ਕੋਲ ਹੀ-
ਬੀਤੀਆ ਬਾਤਾਂ ਤੇਰੀਆ ਨੇ, ਪਲ ਪਲ ਜਖਮੀ ਕਰਦੀਆ................

ਵਾਅਦਿਆ ਨੂੰ ਪੁਖਤਗੀ ਦੇਣ ਲਈ ਤੂੰ ਕੁੱਝ ਤਾਂ ਕਰਦਾ ਹੋਸਲਾ-
ਕਾਗਜਾਂ ਦੀਆ ਬੇੜੀਆ ਭਲਾ, ਕਦ ਤੱਕ ਪਾਣੀ ਤਰਦੀਆ...................

ਮੈ ਤਾਂ ਤੈਨੂੰ ਪਾਉਣ ਲਈ ਆਪਣੇ ਸੀ ਕੰਢੇ ਖੋਰ ਲਏ-
ਮਹਿਫੀਲਾ ਵਿੱਚ ਉਡੀਆ ਸੀ, ਅਫਵਾਹਾ ਮੇਰੇ ਹੜ ਦੀਆ...................

ਅਸਾਂ ਹੰਝੂਆ ਦੇ ਨਾਲ ਆਸਾ ਵਾਲਾ ਆਟਾ ਗੁਨਿੰਆ-
ਉਡੀਕਾ ਦੇ ਤਵੇ ਤੇ ਰੋਟੀਆ, ਵੇਹਣੈ ਪੱਕਦੀਆ ਕਿ ਨੀ ਪੱਕਦੀਆ.........

ਦਿਲ ਮੇਰਾ ਮੇਰੇ ਵੱਸ ਨਹੀ ਮੈ ਰੋਕਦਾ ਤਾਂ ਬਹੁਤ ਹਾਂ-
ਜਦ ਦਾ ਇਸ਼ਕ ਨੇ ਸੇਹੜਿਆ, ਕਰਦਾ ਏ ਆਪਣੀਆ ਮਰਜ਼ੀਆ.........

ਮਾਰ ਘਾਣੀ ਸਿਦਕ ਦੀ ਅਸੀ ਕੋਠਾ ਲਿੰਬੀ ਬੈਠੇ ਸਾਂ-
ਆਈ ਸੇਮ ਤੇਰੇ ਹਿਜਰ ਦੀ, ਤੱਕਿਆ ਨੀਹਾਂ ਗਰਦੀਆਂ.................

ਖੋਰੇ ਓ ਕੈਸੇ ਲੇਕ ਸੀ ਜੋ ਮਰ ਮਿਟੇ ਸੀ ਇਸ਼ਕ ਤੇ-
ਅੱਜ ਕੱਲ ਤਾਂ ਸੋਹਣੀਆ, ਪੱਕਿਆ ਤੇ ਵੀ ਨਹੀਂ ਤਰਦੀਆ...............